شربات صحى للحلويات
معلومة مفيدة اوى من كونفيتى لعمل حلويات صحية و خفيفة ازاى اعمل شربات صحى لكل الحلويات الشرقية المصرية الاصيله هقولكم حالا مبدايا كدا مش هنستخدم سكر ابيض ابدا فعمل الشربات القطر طب هنعمل اية؟ هنستبدله بالعسل او السكر البنى او سكر الدايت هل هيدى طعم حلو ؟ اه جدا و محدش هياخد باله من الفرق اوى الحلو هيطلع حلو بزيادة فحله صغيرة على النار هنحط عدد ٢ كوب ماء عليهم ٤ او ٣ معالق عسل ابيض كبيرة هندوبهم على النار مع استمرارية التقليب لحد ميبدا يتقل كدا و المياة تقل هروح عسرة عليهم نص ليمونة و استمر فالتقليب لحد م يتقل شوية و قفل و سعتها اقدر اصبه على البسبوسة الى هقلكم على تكتها و ازاى تبقى صحية او هصبها على الكنافة الرائعة اللى محشية فالفول السودانى و القرفة او هصبها على احلى بقلاوة و طبعا نحاول منصبش كتير يا دوبك تحلية خفيفة للحلو الشرقى الصحى نسيت اقولكم على حاجة هتخلى الشربات رحته روعة القرفة طبعا بتدى رائحة ذكية للشربات ممكن عيدان قرفة تتحط مع المياة و العسل على النار و ممكن قرنفل و فى ناس تحب تحط حبهان بس كدا